Ayaqlara Spa-qulluq

Səni dünyanın istənilən nöqtəsinə aparan ayaqlar hər ayaqqabıda gözəl görünsün deyə onlara qayğı göstər. Məsələn, ayaqlarına spa salonunda qulluq elətdir. Və ya öz evində spa yarat!

Addım 1. Dərini təmizlə və kobudlaşmış hissələrdən azad ol.

İlk növbədə duş qəbul edib, ayaqlarını yu. Daha sonra ayaqlarını ilıq su ləyənində 5-10 dəqiqə saxla. Prosedurun xoş və daha səmərəli keçməsi üçün musiqini işə sal, rayihəli şam yandır və ya sevdiyin kitabı oxu (telefonu isə söndür). Ayaqlarını sudan çıxarıb, qurutduqdan sonra onlara cilalayıcı bışqı ilə əl gəzdir. Yeyəciyin bir üzü kobudlaşmış dərini yox edir, əks üzü isə dərini yonaraq düzləndirir. Diqqətini əsasən dabana və baş barmağının ətrafına yönəlt.

Addım 2: Skrab çək.

Ayaqlarının dərisi hamarlaşan kimi kobudlaşmış dərini yox etmək üçün ona skrab çək. Ayaqlarını bir dəqiqə ərzində masaj et. Daha sonra skrabın qalıqlarını nəm dəsmalla sil.

Addım 3: Pedikür et 

Demək asandır! Lakin aşağıdakı təlimata əməl etsən, hər şey alınar. İtiağız kəlbətinlə dırnaqlarını kəs. Dırnaqlarını çox dibdən tutma, dırnağın təxminən 1-2 mm uzunluğu qalmalıdır. Daha sonra dırnaqların ucunu yeyəciklə yon. Yonma prosesi elə aparılmalıdır ki, dırnaqların kənarları dairəvi forma alsın. Dınaqlarınızı boyamazdan əvvəl onların üzərinə şəffaf alt qatı çəkin. Belə etsəniz, dırnaq boyanız daha möhkəm olar və asanlıqla dırnaq boyasının çıxarılması vasitəsi ilə çıxar.

Addım 4: Kutikullara nəzər yetir

Bu proseduru adətən musiqi sədaları altında həyata keçirmək lazımdır. Dırnaq dibinin təmizlənməsi üçün nəzərdə tutulmuş zərdabın 1-2 damcısını hər dırnağın üzərinə əlavə et. Vasitənin quruması üçün 1-2 dəqiqə gözlə. Daha sonra manikür üçün taxta çubuqla dırnağın dibindəki dərini dırnağın dibinə sıx, kobudlaşmış dərini isə itiağız kəlbətinlə kəs. Bunları edərkən ehtiyatlı olmaq lazımdır: infeksiyanın salınma ehtimalı böyükdür.

Addım 5: Nəmləndirmə vasitəsindən istifadə et.

Ayaqların gündə neçə saat ayaqqabıda olur? Ən azı 8-10 saat? Kolqotka və corab da əlavə etsək, ayaqlarımızın çox zaman qapalı olduğunu görərik. Nəticədə dəri quruyur və qabarlar əmələ gəlir. Bu səbəbdən xüsusi qulluq vasitələrindən istifadə edirəm. Məs., ayaq üçün Feet Up losyonu, The ONE dırnaqların qopması və sınmasına qarşı vasitə və Feet Up Advanced qabarlara qarşı krem-zərdab. Yeni ayaqqabı geyinirsənsə, Feet Up Advanced sürtülməyə qarşı ayaq spreyi vasitəsindən istifadə et. Ayağının dərisi quru və həssasdırsa Feet Up Advanced kobudlaşmış ayaq dərisi üçün kremdən istifadə etməklə bərabər gecələr pambıq corabla yat. Xoşagəlməz qoxudan əziyyət çəkirsənsə, antiperspirant kremini seç.

Addım 6: Aksessuarlardan istifadə etməkdən çəkinmə

Dikdabanı çox geyinirsən? Gün ərzində daban üçün gel yastıqçalarından, günün sonunda isə ayaqların yorğunluğunu çıxaran geldən istifadə et.

Addım 7: Həyatını asanlaşdır.

Ömrümüzün sonunadək biz təxminən dörd yüz min kilometr yeriyirik. Bu, kifayət qədər çoxdur. Özünə qayğı göstər. Ayaqlarına qulluq et. Tez-tez həkimin qəbuluna get. Ümumi hamamlarda, saunalarda və spa-salonlarda ayaqyalın gəzmə. Keyfiyyətli ayaqqabı geyin. Ayaqqabını ayağının ölçüsü və həcminə uyğun seç. Ayağının altı yastıdırsa, xüsusi ayaqqabı içliyindən istifadə et. Bu qaydalara əməl etsən, hər zaman başını dik tutub, həyatdan həzz alarsan.

Mətn: Şəkil: Oriflame