Makiyajsız təbii gözəlliyin yolları

Parıltılı dodaqlar, rəngli smoki və dramatik oxları deyil, təbii gözəlliyi vurqulamaq istəyirsən? Biz sənə “Makiyajsız makiyaj” tərzdə obraz yaratmaq üçün 5 üsul seçdik.

1. YENİ SƏHİFƏDƏN

Əlbəttə ki, makiyajdan deyil qulluqdan başlayacayıq. Dərinizə sağlam parıltı qaytarmaq üçün ən yaxşı üsul düzgün dəri qabığının soyulmasıdır. Sponj konnyakuya bir qədər skrab əlavə et və yumşaq dairəvi hərəkətlərlə üz və boyun dərisinə çək. Vasitə qalığını sərin su ilə yu. Nəm dəriyə bir neçə damcı üz üçün yağ çək və  sürətli hərəkətlərlə dərinə yay. Beləliklə nəm dəriyə hopacaq və dərinə güclü nəmlənmə hissi bəxş edəcək. Göz ətrafı dəriyə zərdab və krem əlavə et. Üz üçün kremi, praymer və tonu qarışdır, dərinə yax – makiyaj üçün mükəmməl baza hazırdı!

2. SADƏCƏ PARILTI!

Parlaq dəri hələ uzun müddət dəbdə olacaq. Əgər bu günədək dərinə parıltı bəxş etməmisənsə, indi tam vaxtıdır. Sağlam parlaqlıq əvəzinə yağlı parıltı ilə qarşılaşmağa qorxma, çünki dərinin vacib zonalarına çəkilmiş bir damcı haylayter sənin xeyirinə işləyəcək.

Azacıq işığı əks etdirici konsilerdən almacıq sümüyünə, alnın mərkəzinə və çənəyə, buruna, üst dodağın yuxarısına əlavə et. Gözlərin ətrafında qara sahəni gizlət. Bunun üçün, gözaltı dəriyə əvvəl daha qatı korrektor çək, sonra göz ətrafının ən tünd sahələrinə barmaqlarının ucuyla yüngül korrektoru əlavə et. İşığın qaytarılması effektini gücləndirmək üçün üzərindən bir qədər açıq şimmer kölgələrini əlavə et. Elə bu kölgələrdən üzünün qabarıq hissələrinə çək.

3. ÖZÜNƏ BAX

Bütün dünyanı gəzib dolaşsaq belə iki eyni göz tapmarıq. Belədirsə, niyə də gözlərimizin unikallığını vurğulamayaq? Sənə bir sıra ideya veririk, obraz və əhvalına uyğun seçim edə bilərsən.

  • Tender Cre xüsusi yumşaldıcı vasitə ilə nəm göz qapağı effektini yarat. Bunu etməklə baxışın daha ifadəli olacaq.
  • Bütün göz qapağı üzərinə parlaq çalarlı kremli kölgə çək və tuşla.
  • Görünüşün təvazökar olmasını istəyirsən? Göz qapağına təbii çalar çək, gözlərinin uclarını ağ qələm və şimmer kölgələri ilə vurğula.
  • Dramatik olsun? Daha tünd çalarla (misal üçün - boz) yüngül smoky eyes et.
  • Daha dəqiq olsun? Üst və aşağı kirpiklərinin arasını boz ya da qəhvəyi qələmlə doldur.

Vacibdir: seçdiyin makiyajdan asılı olmayaraq qaşlarının xarici görünüşünün makiyajla uyğun gəlməsinə əmin ol. Təbii obraza nail olmaq üçün qaşlarını yüngül və yumşaq tüklü et, dramatik obraz üçün isə dəqiq xətlər əlavə et.

4. RƏNG TERAPİYASI

Dodaqlarınızda qradiyent və ya ombre effekti dərinizin tonunu vurğulamağa kömək edir və əlavə parıltı bəxş edir. Dərinin tonuna uyğun dodaq boyası seç: açıq ton üçün narıncı və ya şaftalı rəngli dodaq boyası, orta ton üçün mərcanı və ya mauvi, qarabuğdayı dəri tonu üçün isə qəhvəyi və ya terrakot rəngli dodaq boyası.

İndi isə rəng keçidinin effektini nümayiş etməliyik (başlamazdan öncə videodərsə bax). Aşağı dodağın mərkəzinə cüzi miqdarda dodaq boyası çək və dodaqların qıraqlarınadək boyanı yay. Bunun üçün pambıq çubuğunu və ya adsız barmağın ucunu istifadə et ki, keçid daha yaxşı alınsın. Üzərindən şəffaf parıltı vur. Bax belə!


5. ƏNLİK

Ənlik dərhal obrazını təravətli və parlaq edir, üz formasını vizual dəyişir. Ənlik seçimində özünü məhdudlaşdırma: quru, kremli yaxud kürəcikli – bəyəndiyini seç.

Düzgün çalar tapa bilmirsən? Dodaqların rəngini nəzərə alıb seç. Gəlin, işimizi daha da asanlaşdıraq: çəhrayı çalar açıq çini dəriyə uyğun gəlir, şaftalı rəngi – qızılı dəriyə, açıq çəhrayı ilə qəhvəyi çaların qarışığı – qarabuğdayı dəriyə. Yanaqlar, alın, çənə və burun kimi dərinin günəş şüalarının dəydiyi yerlərə ənliyi əlavə et.

Yüngül alyanaq effekti istəyirsən? O zaman parlaq hissəcikli şimmer ənliklərdən vaz keç. Heyranedici obraz həvəsindəsən? Narıncı kimi parlaq rəngləri seç və haylayter əlavə et. Nəticəni özün görəcəksən!

 

Mətn: